"Fitch" beynəlxalq reytinq agentliyi Azərbaycan Dövlət Neft Şirkətinin (SOCAR) uzunmüddətli emitentin defolt reytinqini (IDR) və yüksək təminatsız reytinqini "BB+" səviyyəsindən "BBB-" səviyyəsinə yüksəldib. Uzunmüddətli IDR üzrə proqnoz "stabil"dir.
Reytinqin yüksəldilməsi Azərbaycanın suveren reytinqinin sabit proqnozla "BBB-" səviyyəsinə yüksəlməsindən sonra baş verib.
Agentlik neft və qaz istehsalçısı, neft məhsullarının satıcısı və "Cənub Qaz Dəhlizi" də daxil olmaqla mühüm enerji layihələrinin iştirakçısı kimi SOCAR-ın Azərbaycan iqtisadiyyatında mühüm rolunu vurğulayır.
"Fitch"in proqnozlarına görə, SOCAR öz güclü maliyyə profilini bundan sonra da qoruyacaq.