“Azərbaycanın regional enerji əməkdaşlığında strateji rolu gücləndiriləcək”. Bunu 29-cu Bakı Enerji Forumunun açılış mərasimində energetika naziri Pərviz Şahbazov deyib.
Nazir xatırladıb ki, ötən gün iki günəş və bir külək elektrik stansiyasının təməlqoyma mərasimi olub: “Azərbaycanda bütün enerji növləri inkişaf etdirilir ki, bu da COP29 çərçivəsində enerjinin nizamlı keçidinə imkan verir”.
O vurğulayıb ki, bərpaolunan mənbələrin inkişafı sayəsində Bakı qabaqcıl səviyyəyə çatıb. 2027-ci ilə qədər Azərbaycan bərpaolunan mənbələrdən təxminən 2 QVt elektrik enerjisi almağı planlaşdırır.
Nazir əlavə edib ki, Mərkəzi Asiya ölkələri ilə yaşıl enerji dəhlizinin yaradılması layihəsinin həyata keçirilməsi də müzakirə olunur. Azərbaycan digər ölkələrdən elektrik enerjisinin ötürülməsi sahəsində körpü rolunu oynayacaq.