Azərbaycandan MDB ölkələrinə məhsul ixracı artıb

2019.07.16 12:25 (UTC+04:00)

Bu ilin yanvar-iyun aylarında Azərbaycandan MDB ölkələrinə 608 milyon 662 min ABŞ dolları dəyərində məhsul ixrac edilib. Dövlət Gömrük Komitəsindən bildirilib ki, bu, ötən ilin eyni dövründəki göstəriciyə nisbətən 60 milyon 694 min dollar çoxdur. Altı ayda Azərbaycanın MDB ölkələrindən idxal etdiyi məhsulun dəyəri isə 1 milyard 518 milyon 421 min dollar olub.