2023-cü il ərzində İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin tabeliyində olan Azərbaycan Standartlaşdırma İnstitutu (AZSTAND) tərəfindən 139 yeni dövlət standartı qəbul edilib.
İnstitutdan verilən məlumata görə, hesabat dövründə aqrar və qida sahəsi üzrə 67, ekologiya sahəsi üzrə 8, elektrotexnika, informasiya texnologiyaları və telekommunikasiya sahələri üzrə 7, kosmetika sahəsi üzrə 4, neft və kimya sənayesi üzrə 12, ağır sənaye və maşınqayırma sahələri üzrə 15, tikinti materialları üzrə 11, qiymətli metallar və qiymətli daşlar üzrə 3, idarəetmə sistemləri sahəsi üzrə 1, təşkilati və metodoloji sahə üzrə 3, tibb sahəsi üzrə 4, mebel sahəsi üzrə 1, yüngül sənaye sahəsi üzrə 2, energetika sahəsi üzrə 1 dövlət standartı qəbul edilib.
Eyni zamanda, 87 dövlət standartının dövri yoxlanılması aparılıb və ya dəyişikliklər edilib, 86 dövlət standartı isə ləğv edilib. Sahibkarların sifarişi əsasında 170 texniki şərt hazırlanıb, ekspertiza edilərək dövlət qeydiyyatına alınıb.