Şimal-Cənub Beynəlxalq Nəqliyyat Dəhlizi Hindistan üçün ən mühüm layihələrdən biridir.
“Azərbaycan iqtisadiyyatı” Teleqram kanalı Rusiya mətbuatına istinadən xəbər verir ki, bu barədə Hindistanın Sankt-Peterburqdakı baş konsulu Kumar Qaurav bildirib.
Onun sözlərinə görə, logistika nöqteyi-nəzərindən yüklərin bu marşrutla daşınması Hindistan üçün sərfəlidir, çünki Mumbaydan Rusiyanın mərkəzinə İran və Azərbaycandan keçən marşrutun uzunluğu Süveyş kanalı ilə müqayisədə xeyli qısadır - təxminən 16 min kilometrə qarşı 7,2 min kilometr.
“Təkcə marşrutun uzunluğu deyil, həm də qiymət demək olar ki, 40 faiz azalır”, - deyə baş konsul bildirib.