Dekabrın 4-də vergilər naziri Mikayıl Cabbarov Dünya Bankının Avropa və Mərkəzi Asiya Regionunun Makroiqtisadi, Ticarət və İnvestisiya Qlobal Praktikasının meneceri Sandip Mahacanın rəhbərlik etdiyi nümayəndə heyəti ilə görüşüb.
Görüşdə vergi siyasəti və vergi inzibatçılığı sahəsində ölkədə aparılan islahatlar, həmçinin Dünya Bankının "Vergi İslahatlarına Texniki Yardım Proqramı" çərçivəsində Vergilər Nazirliyi ilə apardığı ikitərəfli əməkdaşlıq məsələləri ətrafında fikir mübadiləsi aparılıb.
Vergilər Nazirliyinin rəhbər vəzifəli şəxslərinin də iştirak etdiyi görüşdə qarşılıqlı maraq doğuran digər məsələlər də müzakirə edilib.