Avropadaxili Vergi Administrasiyaları Təşkilatı (IOTA) Yunanıstanın Afina şəhərində illik beynəlxalq konfrans təşkil edib. “Dəyişən dünyada daha çevik və dayanıqlı hibrid vergi administrasiyasının formalaşdırılması” mövzusuna həsr olunmuş beynəlxalq konfransda ölkəmizi İqtisadiyyat Nazirliyi yanında Dövlət Vergi Xidməti rəisinin müşaviri, Bakı şəhəri Lokal Gəlirlər Baş idarəsinin rəisi səlahiyyətlərinin müvəqqəti icraçısı Vüsal Eynullayev, Beynəlxalq vergitutma və vergi monitorinqi baş idarəsinin şöbə rəisi Eldar Babazadə, Vergi siyasəti baş idarəsinin şöbə rəisi Gülnar İsayeva və Rəqəmsal vergi inzibatçılığı baş idarəsinin şöbə rəisi Nicat Həsənov təmsil ediblər.
Tədbirdə İOTA-ya üzv dövlətlərin vergi administrasiyalarının nümayəndələri öz ölkələrinin vergi inzibatçılığı sahəsində əldə etdikləri qabaqcıl təcrübələr əsasında fikir mübadiləsi aparıblar.
Konfransda IOTA-ya üzv vergi administrasiyalarının rəhbər vəzifəli şəxsləri, beynəlxalq təşkilatların nümayəndələri və bir sıra iş adamları iştirak ediblər.