Güzəştli kreditlərdən istifadədə səmərəliliyin artırılması müzakirə edilib

2022.08.05 11:46 (UTC+04:00)

İqtisadiyyat Nazirliyinin Sahibkarlığın İnkişafı Fondu və Azərbaycan Banklar Assosiasiyasının təşkilatçılığı ilə Fondla əməkdaşlıq edən müvəkkil kredit təşkilatlarının nümayəndələri ilə görüş keçirilib.

Fonddan bildirilib ki, görüşdə mikro, kiçik və orta sahibkarlıq subyektlərinin maliyyə mənbələrinə çıxış imkanlarının artırılması istiqamətində müzakirələr aparılıb, güzəştli kreditlərdən istifadədə səmərəliliyin artırılması, sahibkarların kredit əlçatanlığının təmin edilməsi, kreditlərin verilməsi prosesinin optimallaşdırılması istiqamətində kredit təşkilatları nümayəndələrinin təklifləri dinlənilib, sualları cavablandırılıb.