Qarabağda əlverişli investisiya mühiti mövcuddur. Artıq İqtisadiyyat Nazirliyində yaradılan “Front Office” vasitəsilə işğaldan azad edilmiş ərazilərə sərmayə qoyuluşu ilə bağlı 1200-ə yaxın müraciət daxil olub.
Bu sözləri Azərbaycan-Türkiyə əməkdaşlığına həsr olunmuş “Caspian Energy Forumu”nun Xüsusi Sessiyasında Azərbaycanda İxracın və İnvestisiyaların Təşviqi Agentliyinin (AZPROMO) rəhbəri Yusif Abdullayev deyib.
O bildirib ki, müraciətlərin 400-ə yaxını xarici ölkələrin şirkətlərindən daxil olub. Onlardan 100-ə yaxını isə Türkiyə şirkətləridir: “Əlbəttə biz bu rəqəmlərin daha çox olmasını istəyirik”.