Özbəkistan Respublikasının prezidenti Şavkat Mirziyoyevin imzaladığı sərəncama əsasən, hökumət dövlətə məxsus neft və təbii qaz şirkəti olan “Uzbekneftqaz”ın özəlləşdirmə prosesinə ilin sonuna qədər başlamaq üçün may ayına qədər təcrübəli bir investisiya bankına səlahiyyət verəcək.
Sərəncamda özəlləşdirmə prosesinin “Uzbekneftqaz”ın səhmlərinin ən azı 49 faizinin, istilik elektrik stansiyalarının səhmlərinin isə ən azı 51 faizinin və daha artıq hissəsinin ölkə vətəndaşlarına təklif olunacağının əhatə edəcəyi göstərilib.
Özbəkistanın milli aviasiya şirkəti Özbəkistan Hava Yollarının səhmlərinin sentyabrın 1-dək ilki vətəndaşlara təklif ediləcək səhmlər də daxil olmaqla ən azı 51 faizinin hərracda satılmasına hazırlıq işlərinə başlanacaq. Sərəncamla Özbəkistan hökumətinə “UzAuto Motors” şirkətindəki dövlətə məxsus səhmlərin təxminən 10 faizinin Daşkənd birjasında satışı üçün vətəndaşlara ediləcək təklifi tənzimləmək, qalan səhmlərin isə strateji səhmdarlara satılması ilə əlaqədar hökumətə strategiya təqdim etmək məqsədilə beynəlxlaq bir investisiya bankının səlahiyyətləndirilməsi barədə göstəriş verilib.
Qeyd edək ki, Özbəkistan son illərdə valyuta alğı-satqısına nəzarətin götürülməsi, vergi yükünün azaldılması və xarici investisiyalara üstünlük verilməsi də daxil olmaqla iqtisadi islahatları irəli aparmaq üçün bir sıra zəruri tədbirləri həyata keçirib.