Dövlət İmtahan Mərkəzi tərəfindən Dövlət Vergi Xidmətinin sifarişi əsasında 11 aprel 2022-ci il tarixində vergi orqanlarında inzibati rəhbər (idarəetmə) vəzifələri üçün ehtiyat kadrlar bazasının formalaşdırılması məqsədilə namizədlərin idarəetmə bacarıqlarının qiymətləndirilməsi üçün kompüter əsaslı test imtahanı keçirilib.
COVID-19 pandemiyası ilə əlaqədar ehtiyat tədbirləri çərçivəsində görülən işlərə uyğun olaraq imtahan binasına yalnız tibbi maska daxil olmağa icazə verilib, namizədlərin məsafədən ölçə bilən elektron termometrlə bədən hərarətləri yoxlanılıb və zəruri dezinfeksiyaedici vasitələrdən istifadə olunub. İmtahan zalında namizədlərin bir-birindən lazımi uzaq məsafədə əyləşdirilməsi təmin olunub.
İmtahan saat 10-da başlanıb və 3 saat davam edib. İmtahanda 78 nəfər iştirak edib.
İmtahanda namizədlərin müxtəlif səriştələrini ölçmək üçün 50 situasiya tipli test tapşırığı olmaqla ümumilikdə 81 sual təqdim olunub.
İmtahanda aşağıdakı əsas səriştələr qiymətləndirilib:
Ümumi nəticədən əlavə iştirakçılara qiymətləndirmə aparılan səriştələr üzrə maarifləndirici xarakterli tövsiyələr də təqdim olunacaq.