“Petkim” 2021-ci ildə Egey İxracatçı Birlikləri tərəfindən “İxracatın ulduzları” siyahısında birinci yeri tutub. 2020-ci ildə olduğu kimi, 2021-ci ildə də ixracat sahəsində öz mövqeyini qoruyan “Petkim” 810,9 milyon dollar ixrac gəliri əldə edib.
Türkiyənin ən böyük birbaşa xarici investoru olan “SOCAR Türkiyə”nin törəmə müəssisəsi “Petkim” 2021-ci ildə kimya sektorunun “ixracat lideri” adını qazanıb. Egey İxracatçı Birliklərinin (EİB) açıqladığı ənənəvi “İxracatın ulduzları” siyahısında “Petkim” bütün sektorlar kateqoriyasında da ilk sırada qərarlaşıb.
2020-ci ildə olduğu kimi, 2021-ci ildə də gigiyena ehtiyaclarının artması və xüsusilə qablaşdırma materiallarına olan tələbatın davam etməsi ilə “Petkim” istehsal gücündən istifadə əmsalını 87,9 faizdən (2020-ci il) 92,6 faizə (2021-ci il) yüksəldə bilib. “Petkim”, həmçinin 2021-ci ili 5,5 milyard TL xalis mənfəətlə başa vurub.