Yanvar-fevral aylarında Neft Fondu “Azəri-Çıraq-Günəşli” layihəsindən 1,3 milyard dollar qazanıb

2022.03.04 13:23 (UTC+04:00)

Azərbaycan Respublikası Dövlət Neft Fondu (ARDNF) Xəzərin Azərbaycan sektorundakı “Azəri-Çıraq-Günəşli” (AÇG) neft-qaz yataqları blokunun işlənməsi layihəsinin reallaşdırılması çərçivəsində yanvar-fevral aylarında 1 milyard 307 milyon ABŞ dolları gəlir əldə edib.

Bu barədə ARDNF-in İctimaiyyətlə əlaqələr departamentindən bildirilib.

Qeyd edək ki, Neft Fondunun indiyədək (2001-ci ildən etibarən) AÇG layihəsi üzrə gəliri 156 milyard 680 milyon dollar olub.