On bir ayda Türkiyəyə nəql olunmuş təbii qazın 5,1 milyard kubmetri TANAP-ın payına düşüb.
Bu barədə energetika naziri Pərviz Şahbazov dekabrın 22-də Bakıda keçirilən Azərbaycan-Türkiyə 1-ci Enerji Forumunda deyib.
Nazir bildirib ki, Türkiyəyə 2018-ci ilin iyulundan bu ilin dekabrınadək TANAP-la 13,6 milyard kubmetr təbii qaz nəql olunub. Həmçinin bu ilin 11 ayında qardaş ölkəyə nəql olunmuş 7,7 milyard kubmetr təbii qazın 5,1 milyard kubmetri TANAP-ın payına düşüb.