Dövlət Sosial Müdafiə Fondu “Azərpoçt" vasitəsilə çatdırılan birdəfəlik sosial ödənişlər barədə məlumat paylaşıb

2021.11.04 10:29 (UTC+04:00)

Dövlət Sosial Müdafiə Fondu “Azərpoçt" vasitəsilə çatdırılan birdəfəlik sosial ödənişlər barədə məlumat yayıb.

Fondun mətbuat xidmətindən bildirilib ki, 2021-ci il 1 noyabr tarixindən etibarən respublika üzrə birdəfəlik sosial ödənişlər:

• dəfn üçün müavinət;

• uşağın anadan olmasına görə müavinət;

• cəza çəkməkdən azad edilmiş və sosial adaptasiyaya ehtiyacı olan şəxslərə müavinət;

• radiasiya qəzası nəticəsində zərər çəkmiş şəxslərə hər il müalicə üçün müavinət vətəndaşlara "Azərpoçt" vasitəsilə çatdırılır. Vətəndaşlar həmin vəsaiti "Azərpoçt"un istənilən şöbə, filial və məntəqəsində əldə edə bilərlər.