Neft Fondu avqustdakı valyuta hərraclarında 512,3 milyon dollar satıb

2021.09.02 15:02 (UTC+04:00)

Azərbaycan Respublikası Dövlət Neft Fondu (ARDNF) tərəfindən avqust ayı ərzində valyuta hərraclarında 512,3 milyon ABŞ dolları məbləğində vəsait satılıb.

Bu barədə ARDNF-in İctimaiyyətlə əlaqələr departamentindən bildirilib.

Xatırladaq ki, Neft Fondu iyuldakı valyuta hərraclarında 461,6 milyon dollar satmışdı.

ARDNF tərəfindən keçən il ərzində isə valyuta hərraclarında 7 milyard 303,64 milyon dollar vəsait satılıb.