Altı ayda Cənubi Qafqaz Boru Kəmərinin gündəlik ötürücülük gücü 46,51 milyon kubmetrə yüksəlib

2021.08.07 12:23 (UTC+04:00)

Yanvar-iyun aylarında Cənubi Qafqaz Boru Kəmərinin (CQBK) sutkalıq orta ötürücülük gücü 46,51 milyon kubmetr təbii qaz təşkil edib.

“BP Azerbaijan” şirkətindən AZƏRTAC-a bildirilib ki, ilin birinci yarısında CQBK-nın əməliyyat xərcləri təqribən 27 milyon dollar, əsaslı xərcləri isə təqribən 11 milyon dollar olub.

Cənubi Qafqaz Boru Kəməri 2006-cı ilin sonlarında istismara verilib, hazırda Azərbaycan, Gürcüstan və Türkiyəyə “Şahdəniz” təbii qazını çatdırır. CQBKG isə kommersiya qaz həcmlərinin Türkiyəyə təhvil verilməsinə 2018-ci ilin iyununda, Avropaya isə 2020-ci ilin dekabr ayında başlayıb.

Cənubi Qafqaz Boru Kəməri şirkətinin sərmayədarları belədir: BP (operator) 28,8 faiz, “AzSCP” 10 faiz, “Cənub Qaz Dəhlizi Midstrim” 6,7 faiz, “Petronas” 15,5 faiz, “LUKoil” 10 faiz, “NICO” 10 faiz və “TPAO” 19 faiz.