İyulun 13-də Bakı Fond Birjasında (BFB) Maliyyə Nazirliyinin AZ0106022889 ISIN-li, 40 milyon manat həcmində, 1092 gün tədavül müddətli dövlət ortamüddətli istiqrazlarının yerləşdirilməsi üzrə hərrac keçirilib.
BFB-dən bildirilib ki, hərrac zamanı 14 investor tərəfindən qiymət intervalı 98.1411 AZN (7.2 faiz) və 100.4039 AZN (6.35 faiz) olan 26 sifariş təqdim edilib. Maliyyə Nazirliyinin qərarına əsasən, istiqrazların kəsmə qiyməti 100.2960 AZN (6.39 faiz), orta ölçülmüş qiyməti 100.3440 AZN (6.3722 faiz) müəyyən edilib. Sifarişlərin nominal qiymətlə ümumi məbləği 149 milyon 840 min 800 manat, yerləşdirilmiş həcmi isə 40 milyon manat təşkil edib. İstiqrazlar 2024-cü il iyulun 9-da ödəniləcək. Hərrac iştirakçıları iyulun 14-dək (T+1) istiqrazların alışı üzrə öhdəliklərini icra etməlidirlər. Hərrac zamanı dövlət istiqrazlarına tələb təklifi üstələyəcəyi və qiymət emitenti qane edəcəyi halda emitent tərəfindən təklif edilən istiqrazların həcmi 50 faizədək artırıla bilər.