Mayın 26-da Bakı Fond Birjasında (BFB) Mərkəzi Bankın (AMB) 50102190S dövlət qeydiyyat nömrəli, 100 milyon manat həcmində, 28 gün tədavül müddətli qısamüddətli notlarının yerləşdirilməsi üzrə hərrac keçirilib.
BFB-dən bildirilib ki, hərrac zamanı 18 investor tərəfindən qiymət intervalı 99.5167 AZN (6.24 faiz) və 99.5543 AZN (5.76 faiz) olan 30 sifariş təqdim edilib. Sifarişlərin nominal qiymətlə ümumi məbləği 782 milyon 722 min 200 manat olub. AMB-nin qərarına əsasən, notların kəsmə və orta ölçülmüş qiyməti 99.5543 AZN (5.76 faiz) müəyyən edilib. Hərrac nəticəsində notların yerləşdirilmiş həcmi 100 milyon manat təşkil edib.
Notlar iyunun 23-də ödəniləcək.