Bu ilin mart ayında Azərbaycanda ölkədaxili nağdsız ödənişlərin həcmi əvvəlki ayla müqayisədə 170 milyon manat artıb.
Bu barədə Mərkəzi Bankın aylıq statistik hesabatına əsasən, bu ilin martında aparılan nağdsız ödənilərin ümumi həcmi 793 milyon manat olub. Fevralda bu rəqəm 623 milyon manat təşkil etmişdi.
Nağdsız ödənişlərin çoxu elektron ticarətin payına düşüb – 407 milyon manat. POS-terminallarla ödənişlərin həcmi 342 milyon manata çatıb.