İqtisadi İslahatların Təhlili və Kommunikasiya Mərkəzi (İİTKM) ötən il ərzində Azərbaycanın qeyri-neft sektoru üzrə ixracında aparıcı şirkətlərin adlarını açıqlayıb.
İİTKM-in “İxrac İcmalı”nın yanvar sayında istinadla xəbər verir ki, hesabat dövrü üzrə hazırlanan qeyri-dövlət ixracatçı subyektlərin siyahısına “Azərbaycan İnterneyşnl Mayninq Kompani Limited Şirkəti"nin Azərbaycan Respublikasındakı nümayəndəliyi liderlik edir. Siyahıda növbəti yerlərdə “SOCAR Polymer” MMC, "Land Lojistic" MMC, "MKT İstehsalat Kommersiya" MMC, "Almeyvə" MMC, "Sun Food" MMC, "Global Trade Group" MMC, "Baku Steel Company", “Aqrovest” MMC və " P-Aqro" MMC qərarlaşıb.
Qeyri-neft sektoru üzrə ixrac əməliyyatlarında iştirak edən dövlətə məxsus şirkətlərin siyahısına SOCAR-ın Marketinq və İqtisadi Əməliyyatlar İdarəsi başçılıq edir. Siyahıda "AzerGold" QSC, "Azəralüminium" MMC, "Azərenerji" ASC, "Azərpambıq Aqrar Sənaye Kompleksi" MMC, "Azərbaycan Hava Yolları" QSC, "Azərtütün Aqrar Sənaye Kompleksi" MMC, “Azəripək” MMC, "Azərbaycan İstilik Elektrik Stansiyası" MMC və Naxçıvan Muxtar Respublikası Dövlət Energetika Xidməti və təmsil olunur.