Əli Əsədov: “Doqquz ayda Azərbaycanla Gürcüstanın ticarət dövriyyəsi 42 faiz artaraq 1 milyard dollara yaxınlaşıb”
Gürcüstan Azərbaycanın əsas ticarət tərəfdaşlarından biridir. Cari ilin 9 ayında iki ölkənin ticarət dövriyyəsi 42 faiz artaraq 1 milyard dollara yaxınlaşıb və ötənilki göstəricini üstələyib.
Bunu Azərbaycan Respublikasının Baş naziri Əli Əsədov Azərbaycan-Gürcüstan Hökumətlərarası Komissiyanın XI iclasında deyib.
Baş nazir ticarət-iqtisadi əməkdaşlığın müsbət dinamika ilə inkişaf etdiyini vurğulayıb: “Azərbaycan Gürcüstana ən çox sərmayə yatıran ölkədir. İndiyədək bu ölkəyə 4 milyard dollara yaxın sərmayə yatırılıb”.
AZƏRTAC
