5 Oktyabr 2022

VERGİLƏR

SOSİAL-İQTİSADİ ONLAYN QƏZET

Bakıda beynəlxalq sərgi keçiriləcək

Sentyabrın 12-14 tarixlərində Bakıda 2-ci Azərbaycan Beynəlxalq Hədiyyələr və Promo Məhsulları sərgisi (“Gift & Promo 2019”) və 2-ci Azərbaycan Beynəlxalq Reklam və Çap İşləri sərgisi (“Adprint 2019”) keçiriləcək. “Caspian Event Organisers”dən verilən məlumata görə, ölkənin və regionun yeganə ixtisaslaşmış sərgiləri həm yerli, həm də xarici mütəxəssisləri öz meydançalarında bir araya gətirir. Builki sərgidə müxtəlif ölkələrdən 43 şirkət iştirak edəcək.

“Gift & Promo Fair” sərgisində Azərbaycan Kiçik və Orta Biznesin İnkişafı Agentliyinin dəstəyi və Almaniya Beynəlxalq Əməkdaşlıq Cəmiyyətinin tərəfdaşlığı ilə yaradılacaq xüsusi stenddə, əsasən, mikro və kiçik qadın sahibkarların əl işləri nümayiş olunacaq. “AdPrint” - 2-ci Azərbaycan Beynəlxalq Reklam və Çap İşləri Sərgisi öz platformasında sənaye yeniliklərini, eləcə də reklam və çap işləri sahəsinin innovativ məhsul və xidmətlərini təqdim edəcək.

Sərgilər çərçivəsində keçiriləcək müxtəlif görüşlər, panel müzakirələr, müsabiqələr, ustad dərsləri və promo-defile Azərbaycanda reklam, çap və promo səhələrinə marağın artmasında təkan verəcək. Belə ki, sərginin ilk iş günündə xüsusi dəvət edilən sənaye mütəxəssislərinin – nüfuzlu şirkətlərin aparıcı marketoloqları, sərginin iştirakçıları və peşəkar ziyarətçilərinin iştirakı ilə “Promo Talks” panel müzakirəsi keçiriləcək. Sentyabrın 12-də sərgi iştirakçılarının yeni məhsullarının təqdimatı, 13-də isə promo sənayesinin nümayəndələri ilə potensial sifarişçilər arasında “B2B” formatlı ikitərəfli görüşlər keçiriləcək. Sentyabrın 14-də iştirakçı şirkətlərin promo geyim və məhsullarının müxtəlif modellərdə nümayiş olunacağı promo-defile təşkil ediləcək.
Sərgilər haqqında ətraflı məlumatı adprint.az və giftfair.az saytlarından əldə etmək olar.

İqtisadiyyatVüqar Bayramov: "Avropanın enerji təhlükəsizliyinin formalaşmasına töhfəmiz genişlənməkdədir" İqtisadiyyatMaksim Reşetnikov: "Azərbaycan Rusiyanın ənənəvi tərəfdaşıdır" VergiVergi sisteminin qiymətləndirilməsi 3 əsas altindikator üzrə aparılacaq VergiHesabat dövründə sahibkarlıq fəaliyyəti olmayan vergi ödəyicisi nə etməlidir? VergiVergi Məcəlləsində dəyişikliklər Alman-Azərbaycan Xarici Ticarət Palatasında müzakirə edilib İqtisadiyyatRüfət Quliyev: IGB çox mühüm strateji layihədir İqtisadiyyatBu ilin 9 ayında Azərbaycan nefti 11 faizdən çox bahalaşıb Ekspert Rəyiİdxalı ƏDV-dən azad edilən malların satışı zamanı nələrə diqqət yetirilməlidir? VergiFiziki şəxslərdən kənd təsərrüfatı malları hansı qaydada alınmalıdır? İqtisadiyyatHans Holzhaker: “Azərbaycanın  nəqliyyat qovşağı kimi böyük potensialı var”