22 May 2022

VERGİLƏR

SOSİAL-İQTİSADİ ONLAYN QƏZET

"Apple Pay" və "Google Pay"in ölkəmizdə tətbiqi üçün zəruri infrastruktur yaradılır

"Visa Inc" beynəlxalq kart təşkilatı "Apple Pay" və "Google Pay" təmassız ödəniş sistemlərinin Azərbaycanda tətbiq edilməsi üçün platforma rolunu oynayacaq. Bunu jurnalistlərə açıqlamasında “Visa”nın Qafqaz, MDB və Cənubi-Şərqi Avropa regionu üzrə baş meneceri Kristina Doroş deyib. Onun sözlərinə görə, şirkətlərin bu və digər bazarlarda təmsil olunması birbaşa onların qərarından asılıdır: "Lakin elə vacib məqamlar var ki, onlara xüsusi diqqət yetirilir. Məsələn, ilk növbədə ölkədə tokenizasiya texnologiyasının olmasıdır. Bu olmadığı təqdirdə, əlbəttə ki, kartların rəqəmsallaşdırılması və telefona yerləşdirilməsi mümkün deyil. Belə olan halda, "Apple Pay"lə ödəniş aparmaq mümkün deyil. Məhz ona görə də Azərbaycanda "Visa Token Service"in istifadəyə verilməsi tokenizasiya istiqamətində atılan bir addımdır ki, tədricən "Apple Pay" və "Google Pay" kimi ödəniş sistemləri ölkəyə gələ bilsinlər".

"Visa"nın rəsmisi onu da bildirib ki, bu şirkətlər üçün digər önəmli faktorlardan biri də təmassız ödənişləri qəbul edə biləcək infrastrukturun olmasıdır: "Biz "Visa" olaraq banklarla sıx əməkdaşlıq edirik ki, təmassız ödəniş infrastrukturunu genişləndirək. Bildiyiniz kimi, telefon vasitəsilə yalnız təmassız ödənişlər aparmaq mümkündür. Qeyd edim ki, "Visa" bu prosesi stimullaşdırmaq üçün cari ilin aprel ayından bütün region üzrə, o cümlədən Azərbaycanda ödəniş texnologiyalarının inkişafına dair yol xəritəsi tətbiq edib. Onun da əsas elementlərindən biri ölkədə yalnız təmassız ödəniş qəbuletmə imkanına malik olan terminalların quraşdırılmasıdır. Artıq bu gün Azərbaycan bankları tərəfindən quraşdırılan bütün terminallar bu funksiyanı dəstəkləyir. Bu da, əlbəttə ki, "Apple" və "Google"un bu bazara daxil olmasına şərait yarada biləcək vacib elementlərdən biridir".

İqtisadiyyatAzərbaycan-Litva biznes-forumu işini müzakirələrlə davam etdirib İqtisadiyyatHicran Hüseynova: Qadınların əmək bazarına lazımi bacarıqlarla çıxması üçün innovativ maliyyə mexanizmləri yaradılmalıdır MüsahibələrEldəniz Əmirov: Vergi daxilolmalarının artması iqtisadi islahatlarla bağlıdır MÜSAHİBƏ İqtisadiyyatAvropa İttifaqı-Azərbaycan biznes forumu keçirilib VergiDövlət Vergi Xidmətinin rəisi “Uğur yolu” Karyera İnkişaf Proqramının qalibi ilə görüşüb İqtisadiyyatMikayıl Cabbarov Səngəçal terminalına səfər edib MüsahibələrVasif Eyvazzadə: Azərbaycanda yaradıcı iqtisadiyyatın inkişafı üçün böyük potensial var MÜSAHİBƏ VergiDövlət Vergi Xidmətinin rəisi AHK İmpuls tədbirinin qonağı olub İqtisadiyyatKİV nümayəndələri 195-1 Çağrı Mərkəzi ilə tanış olublar REPORTAJ VergiVergi daxilolmalarının 68,1 faizi qeyri-neft-qaz sektorunun payına düşüb