"Dövlət Vergi Xidməti vergi inzibatçılığı sahəsində islahatlar apararkən sahibkarların mövqeyini hər zaman nəzərə alır". Bunu “vergiler.az”a açıqlamasında Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının vitse-prezidenti Vüqar Zeynalov deyib.

Onun sözlərinə görə, bu dəyişikliklər vergi ödəyicilərinin daha şəffaf işləməsini, onların vergiləri daha asan və əlçatan şəkildə ödəyə bilməsini təmin edir: “Dövlət Vergi Xidməti bu istiqamətdə qanunvericiliyə kifayət qədər dəyişikliklərin edilmısinə nail olub. Ancaq qarşıda hələ həlli vacib olan bir çox məsələlər var. Həmin məsələlərlə bağlı təklifləri ASK olaraq, mütəmadi şəkildə DVX-yə təqdim edirik, onlarla daim müzakirələr aparırıq. Bu sahədə kifayət qədər aktiv, səmərəli əməkdaşlıq edirik”.